Nøttepanert indrefilet av svin med fløytegratinerte poteter og sauterte grønnsaker

Sautere tyder å steike raskt i steikepanne i smør og/eller olje. Det er viktig å halde bevegelse i det som skal sauterast. Grønnsakene skal danse rundt i panna og ikkje verte brent. Gjer du dette riktig vert resultatet sprø og saftige grønnsaker. I kombinasjon med nøttepanering og spennade poteter vart dette ein fantastisk rett med spennande smakskombinasjonar:o)

NØTTEPANERT INDREFILET AV SVIN:
150 gram ass,nøtter(valnøtter, pistasjnøtter, pinjekjerner)
Ca 70 gram smør
6-800 gram indrefilet av svin
Peppar

Finhakk nøttene, evt køyr dei ei rask runde i foodprocessoren. Smelt smøret og bland ned nøttene.Kvern i litt peppar. Fjern evt hinner på indrefileten. Smør den inn med nøtteblandinga. Steik raskt på alle sider i steikepanna. Set i ovnen på 175 grader. Fileten er ferdig ved kjernetemperatur på 65-70 grader.Eg brukar ofte å ta den ut ved nådde 67 grader. Etter kviling har den ei rosa kjerne og er saftig og godt på smak.

FLØYTEGRATINERTE POTETER:
2 søtpoteter
5-6 mandelpoteter
5-6 amadinepoteter
6 dl fløyte
1 pk bernaisesaus
1 ts salt
1/2 ts peppar
1/2 ts cajennepeppar
1 ss frisk, finhakka rosmarin
Ca 150 gram ost

Skrell potetene og kutt dei opp i skiver. Legg dei opp etter mursteinsprinsippet i ei passande eldfast form. Tilsett fløyte og bernaisesauspulver i ein kjele. Bland godt saman og kok opp. Smak til med salt, peppar og rosmarin. Hell over potetene. Set i ovnen. Vanlegvis brukar eg å ha dei på 200 grader. Men denne gangen sette eg dei inn på 175 grader sidan svinefileten og skulle i ovnen. Det går heilt fint, men ein bør pårekne noko lenger steiketid. Mine sto i overkant av ein time. Når det er att ca 10 minutt av steiketida dryssar du over ost som får smelte ned.

SAUTERTE GRØNNSAKER:
2 gulerøtter
2 selleristenger
2-3 vårløk
Ca 20 små smakstomatar
1 ss smør
1 ss sitronolje

Skrell og kutt gulerøttene i stavar. Kutt opp selleristengene og vårløken. Del tomatane i to. 
Smelt smør og tilsett olje i steikepanna, Slepp i gulerøttene og la dei danse eit par minutt i panna. Tilsett så dei andre grønnsakene og la dei steike vidare under stadig dansing i 2-3 minutt til. Slå av varmen.

Skjær opp indrefilet og anrett på tallerkenar. Legg opp fløytegratinerte poteteter og sauterte grønnsaker. Aus sjy og nøtterestar over grønnsakene.

Server!!

VEL BEKOMME:o))