Sitruskake

Denne veka har resten av familien feriert på Hemsedal...medan eg har vore heime å jobba...Veka har eigentleg gått som ein røyk...Eg har fått rydda og vaska...vore sosial og kosa meg masse. Onsdag hadde eg klubbdamene på besøk og i går hadde eg gode kollegaer på middagsbesøk der denne nydelege kaka vart "le grand finale". Sidan ein av gjestane har cøliaki køyrde eg sjølvsagt glutenfri meny på alle:o)

DU TRENG:
4 egg
2 1/2 dl sukker
2 ss reve skal av sitron, appelsin og lime
0.75 dl saft av sitron, appelsin og lime
2 dl semper fin mix(glutenfritt mjøl)
1 ts bakepulver
200 gram smelta smør

TILBEHØR:
Sitrusskal
Kokosstrimlar
2 dl kremfløyte
2 ts vaniljesukker
Evt litt friske bær

SLIK GJER DU:
Smelt smør og avkjøl. Pisk egg og sukker til fluffy eggedosis. La deretter miksaren gå på lavaste hastigheit og tilsett ssitrusskala og safta. Bland deretter i semper fin mix og bakspulver. Tilsett deretter smøret i ein tynn stråle medan miksaren går. Hell røra over i smurt og strødd 24- form. Til strøing brukte eg sempermjølet. 

Steik kaka midt i ovnen på 175 grader i 30 minutt. Kaka skal vere litt laus og kremete...litt fuktig konsistens.

Avkjøl kaka. Ta den ut av forma og over på eit fat. Sikt over melis og pynt med sitrusskal og kokosstrimlar.

Pisk saman 2 dl krem med 2 ss vaniljesukker og server ved sidan av kaka..gjerne med litt friske bær som følge...

VEL BEKOMME:o)